Арбелоа ја пецна Барса: Не можат да не победат ни со 12 играчи!

„Кралевите“
демонстрираа моќ на Камп Ноу вчера и со 1-3 славеа над Барселона во првиот
натпревар од Суперкупот на Шпанија.

Но средбата не
помина без контроверзии. Луис Суарез доби сомнителен пенал, а Кристијано
Роналдо престрого беше исклучен.

Алваро Арбелоа
верува дека судијата вчера бил на страната на Барселона, па реши да го пецне
лутиот ривал.

„Не можат да не
победат ниту со 12 играчи!” – напиша поранешниот фудбалер на Реал Мадрид на Твитер.

Шпанецот исто
така не верува дека Барса може да направи нешто повеќе на реваншот па предложи
во среда да се игра Бернабеу Трофејот, кој инаку е закажан на 23. август против
Фиорентина.

„Откако го
изгледав натпреварот, слободно може да играме на Бернабеу Трофејот во среда,
нели?”