753
Карим Бензема наводно размислува да ја заврши фудбалската кариера. Францускиот голгетер е член на Ал Итихад од Саудиска Арабија, меѓутоа според најавите сериозно размислува за крај.
Иако во него со сигурност има уште неколку години фудбал, Бензема би се повлекол поради клупските можности на Ал Итихад на спортски план. По доаѓањето во овој клуб имаше две тренерски смени, а тимот не игра на посакуваното ниво. Притоа и самиот Бензема паѓа на физички план, па и тоа го води кон пензија.
Сепак, тој не би останал долго без работа бидејќи се споменува веднаш нов „ангажман“. Реал за Бензема има подготвено амбасадорска позиција како претставник на клубот. Тој беше член на „кралевите“ од 2009 до 2023 година и ги освои сите можни трофеи.