„Сините“ катастрофално ја започнаа новата сезона, средбата
со Барнли ја звршија со двајца играчи помалку и загубија со 2-3.
Проблемите за шампионот започнаа во 14. минута, Гери Кејхил
за еден неспретен старт доби директен црвен картон. Гостите ја искористија
предноста од играч повеќе и десет минути поведоа со голот на Воукс.
До крајот на првиот дел, одбраната на Челси капитулираше
уште два пати, па Барнли на пауза замина со високи 0-3.
Во второто полувреме, Алваро Мората погоди во 69. минута за
својот деби гол во Премиерлигата и ја врати надежта кај домаќините. Но потоа
следуваше нов пех, Фабрегас заработи втор жолт картон и беше испратен во
соблекувална.
Сепак, и со двајца играчи помалку, Челси стигна до 2-3 во
88. минута. Мората одличнио
му асистираше на Давид Луиз, кој од пет метри ја затресе мрежата на гостите. Но
тоа беше се што направија избраниците на Антонио Конте и на крајот мораа да се
помират со поразот.
Руни со гол на своето второ деби во дресот на Евертон донесе
три бода за „Карамелите“, Хадерсфилд славеше со 0-3 на гостувањето кај Кристал
Палас, а ВБА со минимални 1-0 го доби мечот со Борнмут. На средбата помеѓу
Саутемптон и Свонси немаше голови.