Тренерот на
Челси, Антонио Конте не го крие разочарувањето што неговиот тим остана без
Немања Матиќ, кој за сума од 40 милиони фунти премина во ривалот Манчестер
јунајтед.
„Немања добро
знае што мислам за него, тој е одличен фудбалер, класа, беше многу важен за
нас, но понекогаш морате да го прифатите лудиот трансфер пазар… Понекогаш
морате да прифатите поинакви одлуки, тој е голема загуба за нас…“ истакна
Италијанецот.
Во Челси се
надеваат дека новото засилување Тимуе Бакајого кој летово пристигна во Лондон
од редовите на Монако, ќе го замени адекватно Србинот, но Гери Кејхил се
согласи со својот тренер.
„Според мене
Немања е фантастичен фудбалер, навистина многу добар играч, имав бенефит од тоа
што тој беше дел од нашиот тим, секој кој го има за соиграч има огромен бенефит
во тимот, тој неговото заминување е голема загуба за нашиот тим, во тоа воопшто
не се сомневам“ истакна капитенот на Сините од Лондон.