Барселона влегува во финална офанзива за Кутињо, претстојните неколку часа клучни

„Мундо  Депортиво“ пишува дека каталонскиот гигант
влегува во финална офанзива за Бразилецот од редовите на Ливерпул, 25 годишнио
офанзивец, Филипе Кутињо.

Според
информациите, Бразилецот има нескриена желба да го облече на себе дресот на
тимот од „Камп Ноу“, наводно за тоа и лично му дал дознаење на тренерот на
Ливерпул, Јирген Клоп, со што останува сега двата клуба да се договорат околу
висината на обештетувањето.

Барселона наводно
е подготвена за Кутињо во моментов да издвои околу 100 милиони евра, агентите
на Бразилецот го притискаат Ливерпул да биде се поактивен во однос на оваа тема
и да го забрза процесот што на нивниот фудбалер би му донела шанса да игра во
друштво на Меси, Суарез и останатите ѕвезди на Барселона.