Челси загуби од
Арсенал и тоа на пенали во Комјунити Шилд откако резултатот по регуларните
минути игра гласеше 1-1.
Се чини дека
Антонио Конте не е задоволен од изданието на неговите фудбалери, на мечот во
Лондон шанса добија Мората и Рудигер, но дискутабилно е дали тие се подготвени
да му помогнат на тимот да ја одбрани титулата во Премиерлигата.
Загриженоста кај
Конте отиде до таму што Италијанецот побарал од управата на клубот да му го
доведе Герет Бејл во своите редови, со што би се навестил нов успех како
ланскиот во Премиерлигата, во спротивно, ситуацијата не е ветувачка.
Реал Мадрид пак е
сериозен во намерата да се засили со Килијан Мбапе од Монако, со тоа Бејл се
чини дека ќе биде на излезна врата од европскиот првак, а двата клуба би можеле
да се договорат за сума од околу 100 милиони евра.
За услугите на
Велшанецот интерес пријавува и Манчестер јунајтед, кој се чини дека е
најсериозен кандидат во трката за потписот на Бејл.