Покрај трансферот на Нејмар, на повидок е уште една огромна зделка вредна блиску до 200 милиони евра.
Реномираниот француски весник „Л’Екип“, пишува дека Мбапе им соопштил на челниците на Монако дека сака трансфер.
18-годишниот фудбалер се поврзуваше со Реал Мадрид, Барселона, Манчестер Сити, ПСЖ, Јувентус…
Реал Мадрид се споменува како фаворит за неговиот потпис. Мбапе е фан на кралскиот клуб и неговиот сонародник Зинедин Зидан.
Но за да ослободи место за Мбапе, Реал Мадрид најверојатно ќе треба да го продаде Герет Бејл кој се почесто е склон на повреди.
Трансферот на Нејмар од Барселона во ПСЖ за неверојатни 222 милиони евра, го промени трансфер пазарот, па информациите велат дека Монако не сака да слушне за продажба на Мбапе за помалку од 180 милиони евра.
Кој и да сака да го купи Мбапе ќе мора да плати огромна сума, па ќе бидеме сведоци на уште еден мега трансфер.