Изненадување од Чаир: Шкупи се раздели со еден од најстандардните фудбалери

Од редовите на Шкупи изненадувачки соопштија дека се разделуваат со дефанзивецот, Абдел Ртубаје.

Рутубаје беше еден од поважните фудбалери на Чаир, па затоа и неговото заминување по почетокот на сезоната се изненадување. Во текот на вчерашниот ден тој го одигра комплетниот натпревар во поразот од Силекс од 2:1.

„Се разделуваме со важен играч. Неговиот придонес за тимот секогаш беше важен, како на теренот така и надвор од него. Вратите на нашиот тим ќе бидат отворено за тебе по завршувањето на кариерата, ти посакуваме успех во иднина“, објави Шкупи.

Рутубаје настапуваше за Шкупи во сезоната 2021/2022 кога овој тим стигна до титулата, а потоа се пресели во Рајон Спорт за оваа година во јануари да се врати во редовите на македонскиот тим.