Судот ја образложи одлуката за намалување на суспензијата на Адеми

Судот за спортска арбитража донесе одлука за намалување на казната на Аријан Адеми од четири на две години суспензија. Македонскиот репрезентативец на теренот ќе се врати од 7. октомври 2017 година.

Во образложението се наведува дека жалбата на Адеми е уважена и казната е намалена од четири на две години бидејќи се работи за ненамерно користење на супстанцата „Станозолол“. 

Адеми во игра се враќа на 7. октомври а ден претходно Македонија игра против Италија квалификациски натпревар. Тој нема да може да настапи на овој меч, но може да биде во комбинација за дуелот на 9. октомври против Лихтенштајн во Скопје.