Николов: Да покажеме дека не сме случајно меѓу 12. најдобри во Европа

Македонските надежи утре со почеток од 14 часот во тренинг центарот „Петар Милошевски“ ја пречекува Бугарија во пријателски натпревар. Тоа можеби ќе биде и последната контрола за надежите пред настапот на Европското првенство во Полска.

„Без разлика што е пријателски, овој натпревар е многу важен за нас затоа што ова е веројатно последниот подготвителен меч пред Европското првенство во Полска. Одиме на победа, ние сме меѓу најдобрите 12 репрезентации во Европа и повтороно ќе се обидеме да ја покажеме нашата вредност. Го оставаме зад нас натпреварот против Лихтенштајн и се фокусираме на Бугарија. Се надевам дека и публиката ќе не бодри како и досега и ќе биде наш играч повеќе, изјави капитенот Бобан Николов.