Клубот од
Сицилија вчера приреди големо изненадување откако одигра 1-1 на гостувањето кај
Наполи.
Сите очекуваа
„Наполитанците“ лесно да забележат победа, но Илија Несторовски во 6. минута го
матираше Пепе Рејна и го замолкна Сан Паоло.
Наполи успеа да
изедначи на 1-1 и тоа благодарејќи на големата грешка на голманот Посавец.
„Среќен сум со
освоениот бод против силен противник како Наполи” – вели Илија Несторовски.
„Одигравме
храбро, не му оставивме простор на противникот. Се жртвувавме и освоивме бод”.
„Мило ми е за голот, но поважен е
бодот. Треба да продолжиме во ист стил, ова е правиот пат”.
„Сите веруваме во
опстанок, до крајот има уште многу натпревари, и нема да се откажеме”.
„Ако го победиме
Кротоне ќе направиме голем чекор напред. Оваа недела добро ќе се подготвиме за
натпреварот и ќе го дадеме максимумот”.
„Сакаме Ренцо
Барбера да биде полн, фановите можат да ни помогнат да стигнеме до победа.
Форца Палермо”.