150
Санчез нема натпревар од 2. март кога заработи повреда на коленото на мечот против Саутемптон, тој сега повторно е во тренажен процес.
Јунајтед во сабота игра против Вест Хем, Солскјер мисли дека тој меч е прерано за враќање на Санчез, но најави дека веројатно ќе биде подготвен за дуелот со Барселона.
„Тој тренира со нас и тренираше два пати. Ќе тренира и денес, нема веќе повреда“, вели Солскјер за Санчез.
„Не сум сигурен дека ќе биде 100 посто подготвен за дуелот со Вест Хем, но поизвесно е дека ќе биде за Барселона, ќе видиме“.
Санчез три сезони помина во Барселона и многу добро знае како е да се игра на Камп Ноу.