Изненадување од Реал, Зидан закажа прес конференција!

Шампионот на Европа пред половина час пренесе дека тренерот Зинедин Зидан ќе се сретне со медиумите во тренинг центарот во Валдебебас.

Ваквата вест е изненадување за сите во Шпанија и никој не знае какви информации ќе сподели Французинот. Изминативе денови Зизу имаше серија средби со претседателот Флорентино Перез и генералниот директор Хосе Анхел Санчез.

Во текот на сезоната кога Реал Мадрид играше под очекувањата, особено во Шпанија, често се споменуваше дека Французинот ќе добие отказ, но „Кралевите“ минатата недела стигнаа до нов трофеј од Лигата на шампионите, трет во исто толку години и трет под водство на Зинедин Зидан, кој нецели три години е на кормилото на клубот.