Антоан Гризман е
пред важна одлука ова лето, дали да продолжи на „Ванда Метрополитано“ или пак
да прифати нов предизвик и да му се придружи на Лео Меси на Камп Ноу.
Двата клуба ги имаат подготвено договорите и останува само напаѓачот да одлучи
што сака. Тој неодамна најави дека ќе пресече пред Светското првенство но засега молчи.
Според пишувањата
на Радио Монте Карло, Дидјие Дешам седнал да разговара со Антоан Гризман во
тренинг кампот на „Триколорите“. Селекторот на Франција на играчот му го пренел своето мислење и го советувал да остане во Атлетико Мадрид.
Дешам му кажал на
Гризман дека доколку на страна се тргнат парите и економскиот дел од понудите,
за него е подобро да биде лидер на Атлетико наместо само уште
еден играч во Барселона.