69
Илија Несторовски и Александар Трајковски добија нов тренер за финишот од сезоната. Вчерашниот пораз на гостувањето кај Венеција ја прели чашата па Маурицио Ѕампарини му врачи отказ на Бруно Тедино на четири кола до крајот и во екот на голема битка за пласман во Серија А.
Негов наследник ќе биде Роберто Стелоне, кој веќе во понеделник ќе има тежок испит и гостувањето на Сан Никола кај Бари.
Палермо во моментов е на делба на втората позиција со Парма, двата тима имаат по 63 бода, но популарните „Млекари“ попладнево го играат својот натпревар од 38. коло. Исто така и Фросиноне може да скокне до второто место кое води директно во елитата, а во битката сигурно ќе се замешаат и Венеција и Бари.