Чудно беше на Енфилд вечерва, Ливерпул имаше водство од 5-0, Рома во финишот даде два гола и расположението се промени на двете страни.
Навивачите на Рома беа весели на трибините и покрај тоа што загубија со 5-2, а навивачите на Ливерпул како да беа разочарани на крајот иако славеа победа каква што само можеа да посакаат.
„Одигравме перфектно 80 минути. Дефанзивно направивме една грешка. Пеналот не беше пенал, но тоа е што е, сега е 5-2“, вели Клоп.
„Се разбира дека ќе бевме посреќни ако беше 5-0 или 5-1, но 5-2 е фантастичен резултат. Апсолутно подобар отколку што очекував пред мечот“.
„Ги имавме сите тие трчања кои комплетно ја променија играта и противникот не можеше да се снајде. Постигнавме пет гола но можевме уште“.
„Резултатот е многу позитивен иако можеби во моментов не изгледа така поради двата промени гола. Во Рим ќе одиме да се обидеме да го направиме истото“.
Клоп откри дека повредата на Окслејд Чембрлејн кој беше заменет во 18. минута е сериозна и него ќе го нема во наредните недели.
„Повредата на Окслејд Чембрлејн веројатно е навистина лоша. Тоа се лоши вести за нас. Составот не ни е голем во моментов, па ќе мора да бидеме креативни во следните неколку натпревари“.