Клубот од Енфилд
се пласираше во полу-финалето од Лигата на шампионите откако ја доби и втората
пресметка со Манчестер Сити, вчера Ливерпул со 1-2 триумфираше на Етихад.
На социјалните
мрежи вниманието го привлече еден пост со кој неверојатно точно беше предвиден
текот на настаните.
So tonight. An early City goal to set the nerves jangling. We hold out further until half time. Salah scores 2nd half 1-1. City’s heads drop and Bobby scores the winner. City 1 Liverpool 2. Through to the semis
— Harry Kane pinched my sandwich (@LoveTheRedmen) April 10, 2018
„Што се однесува
до вечерва. Рано водство на Сити за да се зголеми нервозата. Ќе издржиме до
полувреме. Салах погодува во второ за 1-1. Сити ја губи мотивацијата и Боби реализира за победа. Сити 1 Ливерпул 2. Се пласираме во полуфинале” – напиша навивачот.
„Граѓаните“
поведоа веќе во 2. минута, и иако имаа неколку добри прилики, Ливерпул некако
издржа до паузата со само еден примен гол. На стартот од вториот дел, Салах
погоди за 1-1, а потоа Фирмино пресече едно лошо додавање на Отамени и
реализираше за 1-2.
Постот за кратко време
стана вирален, беше ретвитнат и од многу познати личности. Гери Линекер дури го
искористи за да се пошегува на сметка на Рио Фердинанд, Френк Лампард и Стивен
Џерард, и ги „пецна“ поранешните легенди дека треба да го подигнат нивото на
анализите кои ги прават како стручни коментатори.
Hey @rioferdy5 Frank Lampard & Steven Gerrard this is what you call punditry. Up your game. https://t.co/LuxUQ0rlfH
— Gary Lineker (@GaryLineker) April 11, 2018
Сепак, има и
такви кои се скептици и обвинуваат дека е изменето времето на постот, или
пак дека фанот напишал стотина постови и потоа ги избришал оние кои се неточни
и останал само оној добитниот.