Јувентус со 3-0 загуби на свој терен од Реал Мадрид и веќе може да се насочи кон домашното првенство. На Сантијаго Бернабеу ќе има невозможна мисија, па речиси никој не помислува дека уште имаат шанси.
Вечерва беше ден на Роналдо кој го покори стадионот на Јувентус и доби голем аплауз од домашната публика.
„Видовме кој е Роналдо и кој бил отсекогаш, фудбалер на исклучително ниво кој заедно со Меси ги достигнал најголемите височини“, вели Буфон.
„Тоа значи дека тие слободно можат да се споредуваат со Марадона и Пеле за начинот на кој можат да ги одлучуваат натпреварите и да им носат трофеи на своите тимови“.
„Се случуваат грешки, играте против неверојатни шампиони и тие ве тераат да сте помалку прецизни од вообичаено. Тоа е затоа што играте против најдобрите и тука зборуваме за луѓе кои постигнале 500 голови“.
„Многу жалам и сум разочаран бидејќи веројатно нема да можеме да одиме во следното коло, и тоа е тажно, но исто вистина е дека тие се посилен тим од нас“.