Реал Мадрид оствари неочекувано висока победа на гостувањето кај Јувентус откако победи со убедливи 3-0 благодарение на извонредниот Кристијано Роналдо.
Дека работите нема да бидат добри за Јувентус беше најавено по само три минути игра кога по асистенција од Иско, Роналдо погоди за водство од 1-0.
Потегот на мечот а можеби и на оваа сезона во Лигата на шампионите се случи во 64. минута кога Роналдо со маестрални ножички зголеми на 2-0. Гол на кој му аплаудураше целиот стадион на Јувентус.
Само две минути подоцна Дибала доби втор жолт картон и тука се беше јасно, Јувентус остана со играч помалку.
Таквата состојба на теренот ја искористи Реал Мадрид со цел да го нокаутира противникот. Во 72. минута по асистенција од Роналдо, Марсело постигна гол за конечни 3-0.
Јувентус ќе има невозможна мисија во Мадрид, Реал веќе може да мисли на настапот во полуфиналето.
Севиља убаво почна против Баерн Минхен, со гол на Сарабија во 31. минута поведе со 1-0. Но шест минути подоцна Хесус Навас си постигна автогол за 1-1.
Во 68. минута Алкантара со глава постигна гол за комплетен пресврт и победа на Баерн Минхен од 2-1.