Луј Ван Гал и
Жозе Мурињо од поодамна не се во добри односи, постојано се во војна на зборови
еден со друг, а најновото доаѓа токму од холандскиот стратег кој како поранешен
тренер на Манчестер јунајтед, смета дека „неговиот јунајтед“ бил подобар во
однос на сегашниот, на Мурињо. Меѓу другото, тој истакна дека португалскиот
тренер не е дораснат за предизвикот наречен Манчестер јунајтед.
„Секој тренер
сака да го предводи Манчестер јунајтед, тоа е еден од најголемите клубови во
светот, мислам дека голема беше желбата кај Мурињо да седне на столчето на таа
екипа, но тој не е дораснат за таа работа, причината е едноставна, беше на 13
место со Челси кој исто така беше фантастичен тим. Мојот Манчестер јунајтед
беше четврти на табелата во тој период“ рече Ван Гал.