Јавна тајна е дека Бразилецот сака да замине од ПСЖ и Реал Мадрид е клубот кој е подготвен да ги помести границите за да го донесе напаѓачот во своите редови. Флорентино Перез веќе има остварено контакт со таткото на играчот, а преставници на Реал Мадрид разговараа и со адвокатите на Нејмар.
И додека фановите полека сонуваат како поранешната ѕвезда на Барселона ќе го облече белиот дрес, медиумите од Шпанија велат дека не сите во тимот на „Кралевите“ се за еден ваков трансфер.
Има играчи кои сметаат дека Нејмар може да ја дестабилизира соблекувалната, нешто што веќе се случи во ПСЖ. Бразилецот има привилегии како никој друг, влезе во конфликт со Кавани а се замери и со тренерот Емери.
Се говори дека Кристијано Роналдо, Лука Модриќ и Марко Асенсио не ја поддржуваат идејата за ангажман на Нејмар. Тие веруваат дека најдобра опција е да се изгради победнички тим со ангажман на неколку квалитетни играчи, а не само една суперѕвезда.
Од друга страна, Марсело, Касемиро и капитенот Серхио Рамос со отворени раце го чекаат Нејмар, и кај нив нема сомнеж дека напаѓачот е еден од најдобрите во светот, а со овој потег ќе им се нанесе и силен удар на лутите ривали од Барселона.