Пол Погба има
една голема цел во својата фудбалска кариера, а тоа еден ден да игра заедно со
Нејмар во ист тим. Како за потсетување, пред две години Бразилецот упати
пофалби за Погба и издвои дека има цел еден ден да игра заедно со него во ист
тим во кариерата, овој пат Погба возврати со иста мера.
„Знам дека во
Бразил фудбалот е се’, тоа е
животот за нив, сите играат фудбал во Бразил. Кога ќе го видам на терените како
ужива во играта, со неговата техника, неговата способност, задоволство ми е да
го гледам како игра“ истакна фудбалерот на Манчестер јунајтед.
„Има некој
поинаков стил на игра, тоа е негов посебен стил, кога ќе го изговорите името на
Нејмар насекаде во светот, сите знаат кој е и што прави. За мене, би било
задовоство да играм со него заедно еден ден“ додаде Французинот.