Кристал Палас имаше и
водство од 2-0, но на го загуби дуелот со Манчестер јунајтед на домашен терен, откако на крајот конечниот исход на
средбата гласеше 2-3 во корист на гостите.
Таунсенд донесе почетна
радост за домашните фанови со својот гол во 11. минута, а со овој резултат се
замина на паузата.
Во второто полувреме по
само три минути Ван Анхолт зголеми и на 2-0, но по само седум минути од
капиталната предност на домаќините, Смолинг со својот гол ја врати гостинската
екипа во мечот.
Израмни Лукаку со својот гол во 76. минута, а конечните 2-3 ги постави Матиќ кој во финишот од средбата донесе три бода од исклучително значење за тимот на Мурињо.
Кристал Палас со 27 бода се наоѓа на делба на претпоследното 17 место на табелата заедно со Стоук, Манчестер
јунајтед со вечерашната победа се врати на второто место на табелата со 62 бода, два повеќе во однос на Ливерпул, или четири во однос на Тотенхем.