Пријателскиот дуел меѓу Шпанија и Египет во Барселона заврши без голови, но резултатот остана во сенка на недоличното однесување од трибините. Натпреварот, кој беше дел од подготовките за Светското првенство, беше прекинуван од ксенофобични скандирања насочени кон египетските фудбалери, поради што организаторите неколку пати мораа да реагираат со предупредувања.
Ситуацијата дополнително се влоши и на полувремето, кога гостинските играчи се помолија на теренот, по што следуваа нови реакции од публиката. Кралската шпанска фудбалска федерација веднаш реагираше со пораки на стадионот, а подоцна и јавно го осуди ваквото однесување.
🚨 Horrific bigotry and religious discrimination-related chants being chanted by a large majority of Spanish fans in the stadium.
— BarçaTimes (@BarcaTimes) March 31, 2026
“Whoever doesn’t jump is a Muslim”… while their best player being Muslim. 🤦♂️ pic.twitter.com/hFm9hZC4ss
Селекторот на Шпанија, Луис де ла Фуенте, исто така остро се спротивстави на случувањата.
„Згрозен сум и апсолутно отфрлам секаков облик на ксенофобија или расизам тоа е целосно неподносливо“, изјави тој.
Инцидентите фрлија сериозна дамка на натпреварот, особено ако се знае дека дел од најголемите ѕвезди на шпанскиот тим, како Ламин Јамал, имаат муслиманско потекло.