Реал Мадрид за само две недели направи целосен пресврт и од тим во криза се претвори во кандидат за двојна круна, пишуваат шпанските медиуми.
По двата порази во низа на почетокот на март и зголемената негатива зад Барселона, „кралевите“ реагираа со радикални промени. Клубот му врачи отказ на Чаби Алонсо и го назначи Алваро Арбелоа, потег за кој во Мадрид веруваат дека бил клучен за подигнување на формата.
Новата енергија брзо се почувствува. Тимот ја подобри физичката подготвеност, а играчи како Федерико Валверде и Винисиус Жуниор повторно станаа носители на играта. Пресвртница бил и состанокот во соблекувалната во Мадрид, каде фудбалерите отворено разговарале и решиле дека мора да се менуваат работите.
Под водство на Арбелоа, Реал изгледа многу поцврсто и физички подготвено, што го потврдува и фактот дека во двомечот со Манчестер Сити го наттрча тимот на Пеп Гвардиола.
Следен предизвик за „кралевите“ е градското дерби против Атлетико Мадрид, кое доаѓа во клучен момент од сезоната. Реал нема право на кикс во трката за титулата, особено по тешкиот пораз на „Метрополитано“ претходно во сезоната.