Барса го искористи поразот на Реал и го презема врвот во Ла Лига (ВИДЕО)

Фудбалерите на Барселона го искористија киксот на Реал Мадрид кој вчера претрпе пораз од Осасуна и со денешната победа од 3-0 против Леванте го преземаа врвот на табелата.

Натпреварот беше решен во првото полувреме кога Бернал и Де Јонг се погрижија за водство на Барселона од 2-0, погодуваа во четвртата и 32. минута.

Во продолжение Барселона сигурно ја одржуваше предноста, а во финишот Фермин Лопез по асистенција од Ламин Јамал ги постави конечните 3-0.

На табелата сега, Барселона има 61 бод, еден повеќе од Реал Мадрид кој вчера загуби од Осасуна со 2-1.