Како и на дуелот на Бернабеу, така и вечерва, Барди не доби шанса против Реал Мадрид иако посебно се подготвуваше за овој меч, но Леванте оствари одличен резултат.
Реал Мадрид одлично го почна мечот, со гол на Рамос во 11. минута поведоа со 1-0. Доминираа на теренот, но пред крајот на првиот дел Боатенг го изедначи резултатот на 1-1.
Во второто полувреме Реал Мадрид се мачеше да го врати водството, Леванте се бранеше и беше опасен од контра напади.
Конечно во 81. минута по една грешка на домашните Иско постигнува гол за ново водство на Реал Мадрид, овој пат од 2-1.
Но, ништо не беше завршено, Леванте тргна по бод и дојде до него, новото засилување, Пацини за кого ова беше прв меч постигна гол во 89. минута за конечни 2-2.
Реал Мадрид одамна ги загуби шансите за одбрана на шампионската титула, се наоѓа на четвртото место на табелата, последното кое води во Лигата на шампионите. Столчето на Зидан сериозно се тресе, а дали ќе добие отказ зависи од двомечот со ПСЖ во Лигата на шампионите.