Францускиот фудбалер Лукас Ернандез и неговата сопруга се соочуваат со сериозни обвинувања, откако против нив е отворена истрага за наводна трговија со луѓе и прекршување на основните човекови права, по пријава поднесена од едно колумбиско семејство.
Како што се наведува во пријавата, семејството тврди дека во периодот од септември 2024 до ноември 2025 година било принудено да работи за брачната двојка без формално регулиран работен однос и без потпишани договори. Според нивните искази, членовите на семејството имале исклучително големи работни обврски, со ангажман од 72 до 84 часа неделно, без јасно дефинирани права и услови за работа.
Во документите доставени до надлежните органи се наведува дека тие биле изложени на постојан притисок, како и дека немале обезбедени основни стандарди загарантирани со закон. Случајот, според информациите што ги пренесуваат медиумите, е пријавен до Јавното обвинителство во Версај, кое треба да утврди дали постои основ за кривична постапка.
Засега, ниту Ернандез ниту неговата сопруга не се огласиле јавно во врска со обвинувањата, а се очекува во наредниот период да следи официјална реакција од институциите.
🚨🚨| BREAKING: Lucas Hernandez and his wife have been accused of human trafficking and hidden labour.
— CentreGoals. (@centregoals) January 21, 2026
A Colombian family has accused that the couple made them work from September 2024 to November 2025 without a legal framework and with extremely long working hours.
Each… pic.twitter.com/jPFfm5blGF