Мурињо му дал задолжение на скаутот Хавиер Рибалта да го убеди Пауло Дибала да се пресели во Манчестер јунајтед.
Рибалта беше главниот скаут на Јувентус и близок сојузник на Дибала, а сега е шеф на скаутите на Манчестер јунајтед.
Мурињо е уверен дека Рибалта може да одигра клучна улога во обидот да го убеди Дибала да се пресели на Олд Трафорд.
Дополнително, Пол Погба може да има влијание, и тој е близок пријател со Дибала од времето поминато во Јувентус.
За фудбалерот на Јувентус се пишуваше дека има интерес од речиси сите големи клубови, Барселона, Реал Мадрид, ПСЖ, Баерн Минхен… но во моментов Манчестер јунајтед е најблиску до неговиот потпис.
Останувањето во Јувентус не е опција поради лошиот однос кој Дибала го има оваа сезона со тренерот Алегри, но и со раководството, особено откако неговиот брат му стана агент.
Дибала би дошол на местото од Мхитаријан кој е на излезна врата од Олд Трафорд поради слабите перформанси во најголемиот дел од сезоната.