Хари Кејн подобар од Ширер и Меси! (ВИДЕО)

Со два гола на Хари Кејн, Тотенхем со 2-0 води против Саутемптон по првото полувреме во првиот меч на Боксинг деј во Премиерлигата.

И двата гола се многу важни за напаѓачот на Тотенхем. Со првиот тој дојде до бројката од 37 голови во Премиерлигата за оваа календарска година со што го помина рекордот на Алан Ширер.

Вториот гол му беше неговиот 55. во сите натпреварувања за Тотенхем оваа година со што го помина Лео Меси кој 2017 ја заврши со 54. 

Со тоа Хари Кејн стана фудбалерот кој постигнал најмногу голови во Европа во 2017 година.