Екипата на Вест Хем веќе бара алтернатива за Грем Потер по ужасниот старт на сезоната во Премиерлигата. Атмосферата во клубот е далеку од мирна и се почесто се споменува можноста Англичанецот наскоро да добие отказ.
Според информации на „Гардијан“ управата веќе има неколку имиња на маса. Најгласно се споменува хрватскиот стратег Славен Билиќ кој веќе беше на клупата на Вест Хем во периодот од 2015 до 2017 година. Наводно тој би можел да добие краткорочен договор до крајот на сезоната со можност за продолжување.
Опција е и Нуно Еспирито Санто кој неодамна си замина од Нотингем Форест. Се уште не е јасно дали Португалецот е подготвен веднаш да прифати нова работа, но неговото име е високо на листата. Третата варијанта е Шон Дајч кој остана без клуб по разделбата со Евертон и би можел да биде брзо ангажиран доколку се реши кризата со Потер.
Јасно е дека управата на „чеканите“ не е задоволна од досегашните резултати и доколку не дојде до пресврт, многу лесно би можело да дојде до промена на кормилото.