118
Уште еден натпревар на Манчестер Сити во кој тимот на Пеп Гвардиола слави победа со гол во завршниот дел од натпреварот.
Пред крајот на првото полувреме Вест Хем дојде во водство со погодок на Огбона, но чеканите не успеаа да издржат до крај.
Во 57. минута по нафрлување на Габриел Жесус по земја, Отаменди добро се снајде и го изедначи резултатот на 1-1.
На седум минути до крајот, одлична асистенција од Де Брујн, Давид Силва беше на вистинското место и постигна погодок за комплетен пресврт и победа од 2-1.
Манчестер Сити со предност од осум бода пред Јунајтед ќе истрча во големото градско дерби кое во идното коло се игра на Олд Трафорд.