Реал не го искористи киксот на Барса, одигра само 0-0 кај Билбао (ВИДЕО)

Шампионот на
Шпанија имаше можност да се приближи на пристојни шест бода во однос на лидерот
Барселона, откако попладнево „Каталонците“ на домашен терен ремизираа со Селта.

Но избраниците на
Зидан не успеаја да го искоирстат киксот на лутиот ривал, вечерва и тие не
победија во дуелот со Атлетик Билбао и одиграа само 0-0.

Бензема ја погоди
стативата на стартот од средбата, а и Кристијано Роналдо во вториот дел ја
„стресе“ рамката од голот.

Домаќините исто
така имаа свои шанси, но Навас беше на висината на задачата и лесно се справи
со обидите на Баскијците.

Завршните минути
Реал ги одигра со играч помалку, откако Рамос заработи втор жолт картон и беше
исклучен по рекорден 19. пат во Ла Лига.