Конте му замери на Азар и го предупреди за начинот на кој го изведе пеналот против Њукасл (ВИДЕО)

Еден Азар беше
играч на натпреварот и со два гола го предводеше Челси до победа од 3-1. 

Белгиецот ги
осигура трите бода во 74. минута, кога со „паненка“ од белата точка го матираше
гостинскиот голман.

Сепак, ваквиот атрактивен потег не му се допадна многу на Антонио Конте, кој
испрати предупредување до својата ѕвезда.

„Малку се налутив
поради „паненката“, ќе лажам ако кажам нешто друго“ – вели Италијанецот. „Но
тоа беше одличен пенал. Најважно е да се
постигне гол, и тој токму тоа го стори“.

„Но следниот пат ќе треба да биде
повнимателен бидејќи голманите ги анализираат играчите кои ги изведуваат
пеналите“.