Искусниот фудбалски
стратег е веќе на Островот, каде утрово пристигнал по одморот во Дубаи кој го
прекинал, ги реализирал последните детални преговори со Евертон и се очекува
негова промоција во тренер на клубот од Ливерпул.
Евертон минатиот месец
му врачи отказ на Роналд Куман, а екипата привремено од клупата ја предводеше
Дејвид Ансворт.
Подолг период се
споменуваше Алардајс како опција за испразнетото тренерско место во Евертон, а
излегоа разни шпекулации за преговорите помеѓу обете страни, една од гласините
беше дека искусниот тренер имал големи услови во разговорите.
Повеќе нема никакви дилеми на оваа тема, веста ја потврди и Евертон, Алардајс ќе се обиде да ја спаси сезоната за клубот кој по продажбата
на Ромелу Лукаку изминатото лето не личи на себе, на тимот му се заканува дури
и испаѓање во понизок ранг и покрај огромните средства вложени во засилувања во
летниот преоден рок.
