Големата желба на Милан може да заврши во Наполи

Преодниот рок влегува во завршна фаза, а секој потег на трансфер пазарот може да биде пресуден за амбициите на клубовите. Според последните информации, Наполи е во завршни разговори со Манчестер јунајтед за доведување на данскиот напаѓач Расмус Хојлунд.

Милан долго време го следеше данскиот голгетер, но не успеа да ја заврши работата и место него во Милано пристигна Бонифејс од Баер Леверкузен. Ситуацијата дополнително се промени откако Ромелу Лукаку се здоби со повреда, па Наполи итно тргна по нов напаѓач и сега е на добар пат да го добие Хојлунд во своите редови.