Наполи одлично ја
започна сезоната, забележа осум победи во првите осум кола, и во првите 10
натпревари, изгуби бодови само во дуелот со Интер, кој исто така бележи солидни
резултати.
Па многумина
веруваат дека „Наполитанците“ оваа сезона конечно можат да ја прекинат
шампионската низа на Јувентус.
„Наполи има
неверојатна сезона” –
вели тренерот на „Старата Дама“, Масимо Алегри.
„Во моментов
разликата помеѓу нас и нив се двата промашени пенали (ударите од белата точка
на Дибала против Аталанта и Лацио). Трката за
титулата ќе биде решена во последниот ден од сезоната. Ќе има три директни
пресметни во последните пет кола, и тие ќе одлучат кај кого ќе заврши Скудетото”.
За утрешното
гостување на Сан Сиро, стратегот додава: „Мораме да си заминеме со три бода.
Нема да биде лесно, но мораме да победиме. Минатата сезона останавме со празни
раце и тоа не смее да се повтори”.