Иако први поведоа на гостувањето кај Бристол во
осминафиналната рунда од Лига Купот на Англија, фудбалерите на Кристал Палас на
крајот претрпеја висок и убедлив пораз од 4-1 што значеше елиминација од тоа
натпреварување.
По мечот, Сенегалецот Папе Суаре им подари дрес на
фановите на Кристал Палас кои го бодреа својот омилен тим на синоќешното
гостување, но тие го вратија фрлајќи го истиот на теренот.
„Разочарувачка ноќ, емоциите беа големи, ги разбирам
фрустрациите…“ напиша Сенегалецот на социјалните мрежи, а на тоа се придодаде
и стратегот од клупата на Кристал Палас.
„Доколку било навистина така, тогаш тоа е тажно, жал ми е
за Соаре бидејќи работеше многу напорно да се врати на терените после таква
долга пауза и сигурен сум дека фрлањето на дресот во публиката бил позитивен
гест од негова страна. Навивачите имаат право да искажуваат незадоволство, не
можам ништо лошо да кажам за нив, и нив им е тешко заради лошите резултати…“
изјави Рој Хоџсон.
Што се однесува пак до сенегалскиот интернационалец, тој
се врати на фудбалските терени неодамна после долгата пауза поради скршеница на
нога во сообраќајна несреќа на Островот.