Вардар во второто полувреме ја „скрши“ Шкендија Арачиново и дојде до три бода!

Вардар со 2-0 ја победи Шкендија Арачиново и ја прескокна на табелата во Првата македонска фудбалска лига (ПМФЛ).

Мечот меѓу Вардар и Шкендија Арачиново се играше на тренинг центарот „Петар Милошевски“ при ФФМ, без публика поради казната која ја имаат црвено-црните.

Шкендија во првиот дел му пружи отпор на Вардар, но црвено-црните успеаа во второто полувреме да ја оправдаат фаворитската улога.

Мечот беше отворен во првата минута од второто полувреме кога Бобан Николов даде гол за водство на Вардар од 1-0.

Во 69. минута Закариќ даде гол за Вардар и ги постави конечните 2-0.

Вардар со оваа победа се качи на третото место на табелата, има пет бодови помалку од лидерот Шкендија.