Вардар Неготино се пофали со три нови имиња

by 24 фудбал
1 минути читање

Второлигашот Вардар Неготино се пофали со три новајлии во пресрет на стартот на втората полусезона.

Нови членови на клубот од Неготино се Марко Стојчески, Дестан Адили и Невен Костадинов.

Марко Стојчески е повратник во редовите на Вардар Неготино, настапува на левата бековска позиција и низ кариерата играше за Локомотива, Саса, Тетекс, Македонија ЃП, Скопје, Нефтохимик и Черно Море.

Од друга страна, Дестан Адили е засилување за офанзивата. Се работи за крило кое беше младински репрезентативец на Македонија и доаѓа од Воска Спорт, а има настапувано за Победа, Влазрими и Работнички.

Невен Костадинов е ново име за средниот ред, потекнува од редовите на Тиквеш, настапувал за Брера, а доаѓа од Вардарски.

Можно е и ова да ти се допаѓа

@2024 – Сите права задржани