Денеска беа извлечени паровите за осминафиналето од фудбалскиот Куп на Македонија, ждрепката донесе неколку интересни пресметки.
Познати се сите учесници во осминафиналето на Купот на Македонија, откако Работнички со убедливи 8:0 го совлада Вардар Неготино и го комплетираше списокот на шеснаесет екипи кои продолжуваат во натпреварувањето.
Најмногу внимание привлекува дуелот меѓу Вардар и Тиквеш, две екипи кои имаат високи амбиции и се блиску на табелата во Првата македонска фудбалска лига.
Интересна се очекува да биде и пресметката меѓу Пелистер и Силекс. Кратовскиот тим е актуелен освојувач на Купот, но не е во добра форма. Пелистерци се второлигаши, но со амбиција за експресно враќање во Првата лига.
КУП НА МАКЕДОНИЈА 1/8 ФИНАЛЕ
Скопје – Новаци
Струга ТЛ – Беласица
Брера – Арсими
Вардар – Тиквеш
Пелистер – Силекс
Работнички – Саса
Македонија ЃП – Брегалница
Башкими – Шкендија Арачиново