Тренерот на Реал Мадрид, Жозе Мурињо остро реагираше на неуспешниот обид на Винисиус Жуниор да одигра со пета, по кој Рома тргна во контра и постигна гол за 2-1.
„Кралевите“ вчера во драматичен финиш постигнаа три гола, направија голем пресврт и славеа со 3-4 на гостувањето кај Рома во Лигата на шампиони.
Но и покрај победата, натпреварот на „Олимпико“ уште еднаш покажа дека не штимаат многу работи во Реал Мадрид, а еден од оние кои потфрлија беше Винисиус Жуниор.
Бразилецот против „волчицата“ беше бледа сенка на самиот себе, имаше само 22 контакти со топката, не упати ниту еден удар кон голот и се обиде да испрати само еден центаршут. Најголемата грешка беше неуспешниот обид за пета на стартот од второто полувреме, по кој Рома тргна во контра и преки Дониел Мален поведе со 2-1.
La reacción de Mourinho al gol de la Roma en el que Vinicius pierde el balón #UCL #Vini #Mou #RealMadrid #TVCDeportes https://t.co/eVUuEOdfrO
— TVC Deportes (@TVCDeportes) October 15, 2026
Жозе Мурињо беше видно лут на Винисиус, веднаш реагираше од клупата, два пати го повтори движењето со петата, јасно ставајќи до знаење дека е незадоволен од потегот на Бразилецот.
По крајот на натпреварот, тренерот на Реал Мадрид се осврна на спорната ситуација и рече: „Потоа примивме гол што не требаше да го примиме. Не смееме да правиме такви работи на средината од теренот“.