Трагедија во Каталонија: Загина градежен работник на „Камп Ноу“

Трагедија го одбележа продолжувањето на реконструкцијата на стадионот „Камп Ноу“, откако денеска животот го загуби еден градежен работник.

Според информациите од шпанските медиуми, станува збор за 54-годишен работник кој се здобил со тешки повреди при несреќа на градилиштето, по што им подлегнал на повредите.

Ова е прв смртен случај од почетокот на реконструкцијата на легендарниот стадион на Барселона, проект кој стартуваше во 2023 година.

Работите на „Камп Ноу“ продолжуваат, а според актуелниот план, целосната реконструкција на стадионот треба да биде завршена до април 2027 година.