Рано на мечот против Еибар, Серхио Бускетс заработи повреда поради која на носилки беше изнесен од теренот. Информациите велат дека оштетил лигаменти на десниот зглоб.
„Знаеме колку важен играч е Бускетс, тој ни помага да ја контролираме играта. Неговото отсуство е голема загуба за нас, но ќе се потрудиме тоа да не се почувствува“ – вели Луис Суарез.
Луис Енрике вели дека повредата на Суарез не е страшна колку што изгледала, но ги очекуваат дополнителните тестови кои ќе покажат колку ќе му треба за да се врати на теренот.
„Гледајќи како Серхио се повреди, добра вест е што не изгледа сериозно како што се очекуваше. Ќе биде голем проблем ако не можеме да сметаме на него, но имаме опции“ – вели Луис Енрике.
На местото од Бускетс во игра влезе Денис Суарез кој го постигна првиот гол во победата од 4-0 на гостувањето кај Еибар.