Легендарниот поранешен шпански репрезентативец Карлес Пујол доби нов ангажман. 48-годишната икона на Барселона ќе се приклучи на Интер Клуб д’Ескалдес од Андора.
Пујол така се враќа во фудбалот по 2015 година и краткиот ангажман во Барселона, клубот во кој ја помина целата своја играчка кариера. Каталонскиот клуб повторно го контактираше во 2019 година, нудејќи му функција спортски директор, но тој тогаш ја одби понудата.
Поранешниот врвен дефанзивец живее во Андора од 2022 годин а неговиот поранешен соиграч од стоперскиот тандем, Жерар Пике, наводно му понудил ангажман во ФК Андора, клубот кој се натпреварува во шпанската Сегунда, но Пујол се одлучил за Интер.
„Карлес Пујол се приклучи на нашата организација како директор за односи и меѓународен фудбал. Неговото пристигнување претставува нов чекор во институционалниот развој на клубот“, соопшти Интер во официјалното известување, во кое ја објави и неговата нова функција.
👏🏻 BENVINGUT @Carles5puyol! Carles Puyol s’incorpora com a Director de Relacions i Futbol Internacional de la nostra entitat. La seva arribada representa un nou pas en el creixement institucional del club. Amb tu, #seremmés💙🖤 https://t.co/giqjxHnkum
— Inter Club Escaldes (@interescaldes) November 19, 2026