Оле Гунар Солскјер продолжува да реди победи, „ѓаволите“ стигнаа до осмиот триумф во низа откако вечерва го добија дербито со Арсенал во ФА Купот.
Алексис Санчез во
31. минута од мечот погоди против својот поранешен клуб и ги донесе гостите во
водство од 0-1, за само 120 секунди подоцна Лукаку да му асистира на Лингард за
0-2.
Арсенал се врати
во игра преку Обамејанг во 43. минута од мечот, и во вториот дел „топчиите“
продолжија да притискаат. Но кога фрлија се на една карта, Емири реши да ризкува
по повредата на Косјелни и внесе фудбалер од средниот ред, Манчестер јунајтед
ги реши сите дилеми преку еден брз против напад.
Погба биеше од
врвот на шеснаесетникот, Чех одбрани, но топката се одби до Марсијал кој
рутински реализираше за 1-3. Овој гол го уништи моралот на „топчиите“ кои
повеќе немаа мотив да се надигруваат.