Шкупи со победа над Македонија ЃП тргна во новата сезона

Поради настапот во Европа, Шкупи беше ослободен во првото коло, неговиот меч беше одложен, па шампионот денеска тргна во новата сезона од ПМФЛ.

А во неа го совладаа тимот на Македонија Ѓорче Петров со 2-1 и со три бода ја почнаа новата сезона.

Мрежите мируваа во првото полувреме, резултатот го отвори Трпановски во 67. минута кога донесе водство за Шкупи од 1-0, а брзо потоа погоди и Цефас за 2-0.

Македонија Ѓорче Петров преку Скендери во 87. минута намали на 2-1 за поинтересен финиш на мечот, но гостите не успеаа да избегнат пораз.