Шкупи потпиша со репрезентативец на Сенегал

24-годишниот Диене уште од подготовките за новата сезона е со Шкупи, но поради процедурите за престој, официјалната промоција се случи дури сега.

Тој е играч кој настапува на сите позиции во нападот. Има шест настапи за репрезентацијата на Сенегал и еден гол.

Диене веројатно ќе биде наследник на Сандеј Адетунџи кој треба да биде продаден ова лето бидејќи интересот за него е голем по одличната мината сезона.

Со потпишувањето на Диене, во составот на Шкупи сега има тројца играчи од Сенегал.