Интер не знае за победа на последните четири натпревари, и оваа лоша серија придонесе „Нероаѕурите“ да го загубат лидерското место во Серија А и да се одалечат од битката со Наполи и Јувентус за врвот.
Избраниците на Спалети вечерва беа на прагот на излез од резултатската криза и победа на незгодното гостување кај Фиорентина, но Џовани Симеоне им откина два бода во 91. минута.
По едно мирно прво полувреме со малку шанси, Мауро Икарди донесе предност од 0-1 во 55. минута. По еден прекин од десната страна, Икарди биеше со глава по центар-шутот на Кансело а голманот на Фиорентина одбрани. Сепак, Аргентинецот прв стигна до одбиената топка и ја затресе мрежата на „Виолетовите“.
Но гостите останаа разочарани откако во првата минута од судиското продолжување одбраната попушти а Џовани Симеоне од пет метри го матираше Хандановиќ за 1-1.