Шаќири: Можевме да дадеме четири или пет гола

Шкендија продолжува со одличните игри во Европа оваа сезона, денеска тие беа подобри на гостински терен кај летонскиот тим Валмиера. 

Тренерот Артим Шаќири жали што не победиле и поубедливо иако вели дека целта е остварена.

„Се подготвивме добро бидејќи очекувавме тежок натпревар. Дојдовме до тоа што го посакувавме, но да не заборавиме дека и противникот ни создаваше потешкотии. Креиравме многу шанси, можевме да дадеме четири или пет голови со кои ќе ни беше поудобно во раваншот. Но таков е фудбалот, тоа го прави уште поубав. Ништо не е завршено, ќе се подготвиме добро и за раваншот, имаме уште 90 минути во Скопје“, изјави Шаќири.